22’ê Pûşpera 2024
Li ser bingeha hewcedariya ku di qonaxa yekem de derket holê û daxwaza gelê herêmê ya ji bo bistandina darên zêdetir, Rêxistina Ahimsa ya NeTundî qonaxa duyem a kampanyaya ” Bidar bike” ku di çarçoveya projeya Masar de li bajarê Hesekê dest pê kiribû, pêk anî.
Kampanya herêmên Til Hecer، Merşo û Dûvara Dêrê armanc girt û bi hevkariya Rêveberiya Jîngehê û Şaredariyan hate meşandin.
Ev gav ji peywendiya me ya domdar bi parastina jîngehê re, wek berpirsiyariyek civakî ya hevpar, û ji bo xurtkirina çanda NeTundî û avakirina aştiyê hate avakirin.
Ev qonax bersivek bû ji bo eleqeya mezin a ku di qonaxa yekem de hate dîtin û ji bo hewcedariya zêde ya ku niştecihên herêmê ji bo bistandina darên din anîn ziman.
Ev yek girîngiya vê înîsiyatîfê û rola wê di belavkirina hişmendiya jîngehî û zêdekirina beşdariya civakê de ji bo parastina jîngehê dîsa piştrast kir.
Kampanyaya ” Bidar bike” armanc dike ku hişmendiya parastina jîngehê pêş bixe û li dijî hemû awayên tundiya li dijî jîngehê raweste, bi pêşxistina rêbazên çandiniyê yên ku bi guherînên jîngehî yên herêmê re lihevhatî ne û bi belavkirina çanda çandina hewzê wek rêbazek domdar ji bo parastina çavkaniyên xwezayî.
Di qonaxa duyem de 40 darên Mazûya Rojhilatî di nav hewzên çandinê de li herêmên armancgirtî hatin belavkirin.
Her weha belavkirina broşûr û posterên hişmendiyê jî berdewam kir, bi armanca ku endamên civakê rêbazên hevalê jîngehê bi kar bînin û beşdarî zêdekirina qada kesk bibin.
No comment