Di 2 ê Reşemî 2024 an de
Rêxistina Ahimsa çalakiya serdana “Mazara Diyarî Felkî” ya taybet bi pêkhateya Êzdî pêk anî. Ev serdan bi hevkariya çalakvanê Êzdî Nesîm Şemo hat organîzekirin, û beşek bû ji rêza çalakiyên destpêşxerîya “Mozayîk” ku armanca wê nasandina çandên heyî yên herêmê û rastkirina baweriyên şaş di nav ciwanan li bajarê Qahtaniyê, di çarçoveya Projeya “Masar” de.
Armanca vê serdanê ew bû ku zanîna beşdaran li ser çand û baweriya olî ya pêkhateya Êzdî were xurtkirin, û wan bi rê û rêbazên olî, û kevneşopiyên wan re bêne nasîn, di çarçoveyekê de ku li ser bingeha diyalog, vekirîbûn û têgihiştina di navbera pêkhateyên civakê de hatiye avakirin.
Di dema civînê de, tîm ji aliyê çalakvanê Êzdî Nesîm Şemo ve hate pêşwazîkirin. Wî ravekirineke berfireh li ser ola Êzdî, ayîn û pratîkên olî yên rojane pêşkêş kir, herwiha bal kişand ser aliyên çandî û civakî yên vê pêkhateyê.
Di heman demê de, di navbera gotûbêjan de gelek bawerî û gotinên şaş ên belavbûyî di civakê de hatin rastkirin. Ev yek alîkarî kir ku têgihiştineke rasttir were xurtkirin û wêneyekî nêzîktirî rastiya çanda Êzdî were avakirin.
Civîn bi hawîrdoreke tijî rêzgirtina hevdu û vekirîbûnê derbas bû, û derfet da ji bo diyalog û pirsan, ku ev yek nirxên pirrengî û hevjiyana aştiyane di navbera hemû pêkhateyan de xurt dike.
No comment