Di 15ê Çileya 2026an de
Rêxistina Ahimsa ya Netundiyê li bajarê Qamişlo danişîna diyalogê ya têkildar pêk anî, di çarçoveya çalakiyên Projeya “Pêşengên Guhertinê” û Kampanya “Dengê Aştiyê – Ciwan li dijî Tundûtûjiyê” de.
Armanca danişînê ew bû ku cîhekî ewle ji bo diyalogê biafirîne, têgihiştineke hevpar li ser têgehên tundûtûjî û Netundiyê ava bike, û ronî li ser rola perwerdehiya Netundiyê di rêvebirina hêrsê û çareserkirina nakokiyan bi rêbazên aştiyane de bixe.
Ji mijarên bingehîn ên ku hatin nîqaşkirin:
- Gotûbêjkirina têgehên tundûtûjî û Netundiyê û bandora wan li ser kes û civakê.
- Parvekirina Serboriyên kesane yên têkildarî tundûtûjiyê di nav çarçoveyeke diyalogê ya ewle de.
- Ronîkirina rola perwerdehiya Netundiyê di rêvebirina hêrsê û kontrolkirina bersivên kesî de.
- Pêkanîna simûlasyona yekem, ku bilindbûna pevçûna devkî û nakokiyê nîşan dida.
- Analîzkirina bandorên bilindbûna pevçûn û tundûtûjiyê li ser kesan û têkiliyên civakî.
- Gotûbêjkirina bandorên teşwîqkirina tundûtûjiyê û axaftinên nefretê di nav civakê de.
- Pêkanîna simûlasyona duyem, ku diyaloga aram û Netundî wek alternatîfeke bandorker ji bo rêvebirina nakokiyan nîşan da.
- Derxistina Fêrbûnên bidestketî û encamên dawî yên danişînê.
Danişîn derfeteke baş ji bo guhartina raman û ezmûnan pêşkêş kir, û alîkar bû ku hişmendiya beşdaran li ser girîngiya diyalog û Netundiyê wek rêyek ji bo kêmkirina tundûtûjiyê û avakirina têkiliyên saxlem di nav civakê de zêde bibe.
Di dawiya danişînê de, ev çalaki gaveke girîng bû di rêya belavkirina çanda Netundiyê de, û alîkar bû ku şarezayiya beşdaran di rêvebirina nakokiyan bi rêbazên aştiyane û avaker de pêş bike.
No comment