Civîna diyalogê ya şeşemîn bi navê «Pergala Biryardanê û Stratejiya Xebatê» – Projeya «Torên Ehêmsa ya Bê Tundiyê»

Di 1ê Îlonê 2026an de

Rêxistina Ehêmsa ya bê tundiyê civîna diyalogê ya şeşemîn bi navê «Pergala Biryardanê û Stratejiya Xebatê» pêk anî, wekî beşek ji rêza çalakiyên Projeya «Torên Ehêmsa ya bê tundiyê» û bi beşdariya endamên Xaneya Parastin û Bê Tundiyê.

Armanca civînê ew bû ku li ser pêşxistina mekanîzmayên zelal ji bo biryardanê di hundirê xanê de were xebitandin û kapasîteya wê ya ji bo mijûlbûna bi nakokiyan re were xurtkirin.

Herwiha, armanc ew bû ku dîtineke hevpar were avakirin û armanc û pêşiyên ku dê di qonaxa bê de rêberiya xebata xanê bikin, werin diyarkirin.

Civîn li ser çend mijarên bingehîn rawestiya:

1. Amadekirina pêşnûmeyekê ji bo pergala biryardanê di hundirê Xaneya Parastin û Bê Tundiyê de.
2. Gotûbêjkirina mekanîzmayên mijûlbûna bi nakokiyan re û dîtina rêbazên guncaw ji bo rêvebirin û çareserkirina wan.
3. Xebatkirin li ser pênasekirina dîtineke zelal ji bo xanê.
4. Diyarkirina armanceke stratejîk a giştî ji bo xanê.
5. Pênasekirina komek armancên stratejîk ku beşdarî gihiştina dîtina xanê dikin.
6. Diyarkirina pêşiyên û qadên xebatê yên ku xan dê balê bide ser wan.
7. Xebatkirin li ser amadekirina pêşnûmeyeke destpêkê ji bo stratejiya xebatê ya xanê.

Civîn cihêk ji bo gotûbêj û ramana hevpar li ser mekanîzmayên xebatê û biryardanê peyda kir û alîkar bû ku dîtineke zelaltir li ser arasteya ku Xaneya Parastin û Bê Tundiyê dê li gorî wê bixebite, were avakirin.

Civîn bi komek derçûnên destpêkê hate bidawîkirin ku bûne bingeh ji bo pêşxistina pergala biryardanê û stratejiya xebatê ya xanê, bi awayekî ku bi armancên Torên Ehêmsa ya bê tundiyê re li hev were.