Di 4’ê Gulanê 2025 de
Ma gelo ger em ji we re bêjin ku rêyên peyayan dikarin bêhn bidin?
Û ku goşeyek biçûk li pêşiya dikanek dikare bibe qada kesk ku sihberê çêbike, kalîteya hewayê baştir bike û jiyanek zindîtir bide bajêr?
Bi vî dîtinî, Rêxistina Ahimsa ya NeTundî berdewam kir di meşandina kampanyaya “ Bidar bike” de؛ kampanyayek ku ji baweriya me bi girîngiya pêşxistina hişmendiya jîngehî û domandina çanda NeTundî li hemberî jîngehê dest pê kir.
Piştî ku qonaxên yekem û duyem li herêmên Til Hecer û Merşo hatin meşandin, di qonaxa sêyem de kampanya gihîşt Çaralî Sinalko li bajarê Hesekê, bi beşdariya çalak a civakê.
Rêxistinê bi hevkariya Rêveberiya Jîngehê û Şaredariya Gel qonaxa sêyem dest pê kir. Di vê qonaxê de gelek hewzên çandinê yên bi darên Rozmarîn hatin belavkirin û li pêşiya dikanan hatin danîn.
Her weha, kampanyayek hişmendiyê ya qada erdê jî ji aliyê endezyarên çandiniyê yên tîmê rêxistinê ve hate meşandin, bi armanca belavkirina hişmendiya parastina jîngehê û pêşxistina rêbazên hevalê jîngehê.
Her weha, hevkariya bi aliyên peywendîdar re bû sedema derketina biryarek ji aliyê Desteya Jîngehê û Şaredariya Gel ve ji bo rêkxistina danîna hewzên çandinê li pêşiya dikanan؛ ev yek di baştirkirina dîmena bajarî û kêmkirina qirêjiya li herêmên qelebalix de alîkar bû.
Em di Rêxistina Ahimsa de bawer dikin ku parastina jîngehê berpirsiyariyek hevpar e, û ku înîsiyatîfên herêmî yên ku li ser beşdariya civakê ava bûne gavên girîng in ber bi bajarên domdar ve، û di heman demê de di domandina çanda NeTundî û xurtkirina hesta berpirsiyariya hevpar li hemberî jîngehê de beşdar dibin.
Biçînin, heta di Piyalek an jî di qutiyekê de be.
Çandinek ne hewceyî cihê mezin e… tenê hewceyî tovek û îradeyek e da ku bijî.
No comment