Rêxistinên ku di jêr de navên wan hene, xemgîniya xwe ya mezin derbarê vejîna pêla tundûtûjiyê ya ku sivîlan li bajarê Helebê armanc digire, diyar dikin Careke din, sivîl barê herî giran ê pevçûn û rawestîna siyasî ya di navbera aliyên cuda yên Sûriyeyê de hildigirin, ku ev yek jiyan, rûmet û mafên bingehîn ên wan dixe bin metirsiyên giran.
Ev tundûtûjiya nû vejiyaye hevgirtina civakî lawaz dike û derfetên avakirina Sûriyeyeke ewle, azad û hemûwelatî ji bo hemû welatiyên Sûriyeyê kêm dike.
Herwiha rêxistinên îmzekar tînin bîra ku hemû aliyên pevçûnê, li gorî qanûna navneteweyî, berpirsiyar in ku sivîlan biparêzin û ji kirinên leşkerî yên bê cudakirin an ne li gorî prensîba hevsengiyê ku dikarin zirarê bidin sivîlan an jî avahiyên sivîl, dûr bimînin. Di vê çarçoveyê de, rêxistinan ji Hikumeta Derbasdar a Sûriyeyê û Hêzên Sûriya Demokratîk (QSD) daxwaz dikin ku yekser hemû çalakiyên leşkerî an ewlehiyê yên ku van berpirsiyariyan binpê dikin rawestînin û hemû gavên gengaz bigirin da ku zirarekê negihîje sivîlan.
Parastina sivîlan ne hilbijartinek e, li gorî qanûna navneteweyî erkek qanûnî ye û Mercek bingehîn e ji bo her rêgezeke cidî ber bi dadperwerî û aştiya mayînde ve, herwiha ji bo her hewldanek ku armanca wê avakirina Sûriyeyeke nû be.
Herwiha em bi taybetî ji Hikumeta Derbasdar a Sûriyeyê dixwazin ku piştî ragihandina operasyonek leşkerî li hin taxan, ji her operasyona leşkerî ya niha an ya pêşerojê di herêmên ku bi sivîlan tijî ne raweste, ger her çalakiya leşkerî Gefa ku bê cudakirin be û jiyana sivîlan bikeve metirsiyê hebe.
Di heman demê de em tekez dikin ku li ser Hikumeta Derbasdar a Sûriyeyê erkeke mezintir heye ku parastina hemû welatiyên Sûriyeyê misoger bike ,Herwiha divê ji her çalakiya leşkerî ku nikare parastina sivîlan pê ewle bike, dûr bimîne.
Wekî din, rêxistinên binavkirî xemgîniya xwe ya mezin di derbarê rewşa mirovahî ya malbatên ku ji herêmên ku pevçûn lê didomin koçber bûne û herwiha malbatên ku hîn jî li wan herêman mayîne de diyar dikin, di mercên ku bersivek mirovahî ya bilez û lezgîn pêdivî ye.
Rêxistinan bang li aliyên mirovahî dikin ku bersivê bidin pêdiviyên kesên zirar dîtî, di nav de peydakirina cihê mayînê, pakêtên pêdiviyên bingehîn û alîkariyên rizgarkeriya jiyanê, da ku bikaribin di şert û mercên hewaya dijwar de bisekinin heta ku şer raweste û vegerin herêmên xwe.
Herwiha balê dikişînin ser pêdiviya ku hemû aliyên têkildar parastina malbatên koçber ji her cure tundûtûjî, cezakirina komî an cudakariyê ku dibe ku li herêmên ku koçber bûne rastî wê bên, misoger bikin. Herwiha, girtina gavên berfireh û bilez ji bo tomarkirina binpêkirinan bingehek girîng e ji bo misogerkirina berpirsiyarî.
Rêxistinên binavkirî hişyarî didin ku metirsiya zêdebûna cudabûn û qutbûna civakî ya bi vê tundûtûjiyê re heye, wekî ku di bûyerên berê de jî hate dîtin. Herwiha bîr tînin berpirsiyariya medyayê û kesên çalak di qada giştî de ku di veguhastina nûçeyan de bi objektîfbûn û profesyonelbûnê tevbigerin, ji axaftinên nefretê, ajotina mirovan û her kiryarek ku dibe sedema tundûtûjî an cudakariyê bibe dûr bimînin, û misoger bikin ku ragihandinên medyayî an axaftina giştî nebê sedema zêdekirina ziyanê, lekeyê an jî zêdekirina alozîyê.
Ji ber vê yekê, rêxistinan piştrast dikin ku berpirsiyariya bingehîn li ser milê hikûmetê ye ku axaftinên nefretê û ajotina mirovan pêşbigire û li dijî wan bisekine, bi girtina gavên yasayî û saziyî yên pêdivî ji bo sûcdarkirina wan û hesabkişandina berpirsên wan.
Di dawiyê de, em bang li Hikûmeta Demkî ya Sûriyê û Hêzên Sûriya Demokratîk dikin ku ji pêlên tundûtûjiyê yên berê ku Sûriye di sala 2025’an de dîtin fêrbûn wergirin, û gavên cidî bavêjin ji bo xurtkirina rêbazên pêşîlêgirtinê û misogerkirina parastina hemû Sûriyîyan ji armanca komî, û bi awayekî eşkere nîşan bidin ku bi avakirina Sûriyeke azad û ewle ji bo hemûyan, bi rêya gotûbêj û danûstandina aştiyane, pabend in.
Parastina sivîlan li hemû deverên Helebê divê di navenda hemû biryarên ewlehî, siyasî û leşkerî de be.
Berdewamiya paşguhkirina parastina sivîlan tenê dê bibe sedema zêdebûna windahiyên canan, encamên neyînî yên hilweşîner li ser zarokan, kûrtirkirina cudabûnên civakî û lawazkirina hêviya avakirina Sûriyeke azad û ewle ku hemû mirovan tê de bi rûmet û bê metirsî bijîn.
Rêxistinên îmzekirî:
- Bernameya Sûrî ya Pêşvebirina Yasayî
- Komeleya Pêşvebirinê ya Safa
- Platforma Gotûbêjê ya DeFacto
- Navenda Sûrî ya Ragihandin û Azadiya Derbirînê
- Kampanyaya Ji Bo Sûriyê
- Rêxistina Aşna ya Pêşvebirinê
- Ragihandin Ji Bo Jinan
- Dozne
- Rêxistina Artist ji bo Çand û Pêşvebirinê
- Arzû
- Dewleta Min
- Rêxistina Peyama Mirovahî ya Serbixwe
- Action for Sama
- Dan ji bo Alîkarî û Pêşvebirinê
- Rêxistina Firat
- Hevkariya Mirovahî û Pêşvebirinê – HDC
- Xana Dadperweriyê
- Rêxistina Roz ji bo Piştgirî û Desthilatdarkirinê
- Ahimsa ji bo Netundiyê
- Demos
- Rêxistina White Hope
- Roja Piştî
- Yekîtiya Teazur ji bo Qurbanan
- Welatî Ji Bo Sûriyê
- Jinan Niha Ji Bo Pêşvebirinê
- Rêxistina RP ji bo Pêşengiya Civakî
- Rêxistina Jinên Sibê
- Dadperwerî Ji Bo Jiyanê
- Rêxistina RÊ ji bo Rehabîlîtasyon û Pêşvebirinê
- Navenda Gihiştinê ya Mafên Mirovan (ACHR)
- Ji Bo Femînîzmê
- Pelên Qeyser ji bo Dadperweriyê
- Komeleya Çandî ya Danîmarkî–Sûrî
- Selam Ji Bo Hêviyê
- Rêxistina Hayan ya Mirovahî
- Tora Sûriyî li Danîmarkayê
- Sîn ji bo Aştiya Civakî
- Navenda Ashtî ji bo Avakirina Aştiyê
- Aras
- Tora Rêberên Aştiyê
- Rêxistina Bader ji bo Pêşvebirina Civakî
- Mala Me
- Damezrava Beledna
- Komîteya Dîplomatîk a Konferansa Star
- Pêl – Pêlên Sivîl
- Sazîya Ashtî
- Sazîya Jewa
- Peyam ji bo Tenduristiya Derûnî û Pêşvebirina Mirovî
- Sazîya Jiyan ji bo Mafên Mirovan
- Rêxistina Bangkarên Berpirsiyarî
- Ta Marbûta
- Malva ji bo Huner, Çand û Fêrbûn
- Rêxistina Rojava
- Komeleya Balyozan ji bo Kesên Xwedî Astengî
- Navenda Asû ji bo Şêwir û Lêkolînên Stratejîk
- Navenda Welatbûna Wekhev
- Komeleya Şawişka ji bo Jinan
- Navenda Civaka Sivîl û Demokrasiyê
- Ofîsa Pêşvebirina Herêmî û Piştgiriya Projeyên Biçûk
- Komeleya Lêlûn ji bo Qurbanan
- Rêbazên Cîgir
- Nûn ji bo Avakirina Aştiyê
- Rêxistina Roj Kar ji bo Alîkarî û Pêşvebirinê
- Rêxistina Insayt
- Ofîsa Desthilatdarkirina Jinan
- Destpêka Me – Sûriye Ji Bo Hemûyan
- Rêxistina Kobanê ji bo Alîkarî û Pêşvebirinê
- Wekhevî
No comment